Кошаркарот на Лос Анџелес Клиперс, Монтрезл Херел, е избран за најдобар шести играч сезонава во НБА лигата. Тој е трет кошаркар на „клиперси“ кој го освои ова признание по Џамал Крафорд и Лу Вилијамс кои на двапати беа избрани за играчи со најголем придонес од клупата за резерви.
Mинатата година, Херл заврши на третата позиција во гласањето за најдобра резерва во лигата. Годинава ја освои наградата во тешка конкуренција и тесна трка, пред Денис Шродер од Оклахома и пред соиграчот Лу Вилијамс. Неговиот придонес сезонава за тимот од Калифорнија (кои се борат за палсман во финалето на Западната конференција) го изрази преку просечни 18 поени, 7 скока и 1 блокада по натпревар. Уживајте во најубавите моменти од најдобриот 6-ти играч во NBA.
NBA FAN
Димитар Младеновски
