Францускиот актер и руски државјанин Жерар Депардје премина во православие откако се покрсти во црквата „Св. Александар Невски“ во Париз.
„Во нашата црква во петокот вечерта е крстен Жерар Депардје“, рече претставник на црквата и наведе дека на церемонијата присуствувале блиски пријатели на уметникот.
Претставникот на црквата одби да каже кое име Депардје го добил на крстењето.
„Тоа беше неочекуван настан, но многу пријатен“, рече тој.
71-годишниот актер, кој има играно во преку 200 филмови, е руски државјанин од 2013 година.
