Пртседателот и воедо член на Надзорниот одбор на СДСМ, Горан Сугарески, утрово на својот Фејсбук профил соопшти дека поднесува оставка од неговата функција, како последица на лошите резултати од локалните избори.
Неговата објава ви ја пренесуваме во целост:
„Почитувани,
Во знак на морална одговорност за неуспехот на локалните избори, како на локално така и на централно ниво, поднесувам оставка од функцијата претседател и член на Надзорниот одбор на СДСМ.
Извршувањето високи партиски и државни функции, покрај другото подразбира и одговорност кон граѓаните и членовите на нашата партија. Во таа насока, оставката претставува мој придонес за што побрза консолидација на партијата и што поскоро враќање на победничките патеки.
Јас сум социјалдемократ, секогаш тоа и ќе бидам. Останувам верен на партијата и се ставам на располагање за било каков понатамошен ангажман“, напиша Сугаревски на Фејсбук.
Сугаревски вели дека секогаш ќе остане социјалдемократ, како и дека ќе остане верен на партијата.
