Еден од најатрактивните кошаркари во Европа пристигнува во Минако.
Џон Браун официјално стави потпис на тригодишен договор со тимот од кнежеството. Се работи за 30-годишен амерички крилен центар, кој го краси борбеност, неисцрпна енерги и префинето чувство за игра. Претставува еден од најсилните и најборбени играчи од богата ризница на млади атлети од Џексонвил, Флорида. Ланската сезона ја подели помеѓу италијанска Бреша и руски УНИКС Казан. Во досегашната интернационална кариера има настапувано и за уште три италијански тимови Виртус Рома, Тревизо и Бриндиси.
Ова е трето засилување за тимот од Монте Карло, по Џордан Лојд кој пристигна од руски Зенит и Ели Окобо кој пристигна од ривалот во домашното првенство (и актуелен државен првак) АСВЕЛ. Главниот играч во тимот, Мајк Џејмс го продолжи договорот и токму од него се очекува одлична соработка со новодојдениот Браун.
Димитар Младеновски
