Легендата на МЗТ Скопје Аеродром повторно ќе го предводи шампионот.
Капитенот Дамјан Стојановски e првиот играч кој по истекувањето на претходниот договор ја продолжува долгогодишната соработка со клубот. Во моментов се преговара и со неговиот брат близнак, Војдан Стојановски како и со останатите кошаркари. Според информациите кој пристигнуваат од Аеродром, приоритет на почетокот од преодниот рок се домашните играчи.
“Капитенот е првиот кој потпишува од оние на кој договорот им истече со завршувањето на сезоната. Се преговара со Војдан како и со останатите. За странци и составување на тимот веќе се работи. Работиме и на зајакнување на буџетот за настап во регионалната АБА 1” – изјави директорот на клубот, Филип Ѓорески.
Дамјан Стојановски е во таборот на “штроковите” од 2012 година. Тој според многумина е најзаслужниот кошаркар за децениските успеси на нашиот шампион. Претставува вистинска легенда на клубот и една од најомилените личности кој настапувале за МЗТ Скопје.
Димитар Младеновски
