Косовскиот сојуз во преговори со Роберто Карлос за селектор

58

Фудбалската репрезентација на Косово во вторникот ги загуби шансите за пласман на Светското првенство. Логично, цехот за неуспехот го плати селекторот. Косово е во потрага по нов шеф на стручниот штаб.

Вчера, речиси сигурен избор беше Германецот Феликс Магат, но денес косовските медиуми пишуваат дека блиску до клупата на Косово е Роберто Карлос.

Еден од најдобрите леви бекови во историјата на фудбалот нема големо искуство како тренер. Последен пат работел во 2015 година во Индија во Делхи Дајнамикс.

Бразилецот светска слава стекна во дресот на Реал Мадрид. За „кралскиот клуб“ одиграл 370 натпревари и постигнал 47 гола.