Она што беше најавувано пред неполни 24 часа, сега и реализирано.
Панатинаикос и официјално го ангажираше еден од најатрактивните кошаркари во Европа, американецот Дерик Вилијамс. Некогашниот висок втор избор на драфтот во NBA настапуваше за Минесота, Сакраменто, Њу Јорк, Мајами, Кливленд и Лос Анџелес Лејкерс пред да се пресели на “стариот континент”. Интернационалната кариера ја започна во Бајерн Минхен пред да се пресели во Фенербахче и Валенсија. Лани настапуваше за Макаби Тел Авив.
31-годишното крило е високо 203 цм. и во голема мера ќе помогне на тимот од Атина со својот атлетицизам, борбеност и игра во рекетот. Ова е петото странско засилување за Панатинаикос ова лето. Најпрво го ангажираа литванецот Мариус Григонис (од ЦСКА Москва), потоа следуваа Парис Ли (од Монако) и Ендрју Ендрјус (од Бурса Спор), а пристигна и Нејт Волтерс (од Црвен Ѕвезда).
Димитар Младеновски
