Во дербито на Њу Јорк, Бруклин Нетс го пречека Њу Јорк Никс во натпревар кој беше решен во последните секунди. Кевин Дурент уште еднаш потсети дека за него нема одбрана кога е во поентерски елемент.
“Кеј-Ди” постигна 53 поени (речиси половина од вкупниот тимски ефект) и беше најзаслужен за домашниот триумф од 110:107. Дурент имаше над 50% успешност во шутевите од поле а реализира и 9 асистенции.
Победата е уште поважна кога се има во предвид дека за “нетси” не настапи Кајри Ирвинг. Публиката во “Барклеј” центар беше воодушевена од сјајната партија на својот миленик и го награди со овации по крајот од мечот. На противница не остана ништо освен спортски да честитаат за феноменалната изведба на лидерот на “мрежичките”.
Целиот натпревар беше тесен а домаќините успеаа да го задржат нападот на своите соседи и да извојуваат значајна победа. И покрај третата радост по ред, Бруклин е наоѓа на осмата позиција во источната конференција со скор 35-33.
NBA FAN
Димитар Младеновски
