Преодниот рок во Италија заврши. Крис Смолинг се врати во Рома, но се чека Серија А да ја потврди регистрацијата на трансферот и да уважи дали Манчестер Јунајтед и италијанскиот клуб навреме ги пополниле сите документи.
Федерико Киеза дојде во Јувентус и го засили нападот на актуелниот шампион, а ќе заработува 4,5 милиони евра по сезона. Фиорентина доби 10 милиони евра за двегодишна позајмица, а ако целосно биде откупен договорот ќе заработи уште 40 милиони евра. Фиорнтина успеа да го доведе и шпанскиот интернационалец Хозе Калјехон кој досега беше играч на Наполи.
Во Неапол како позајмен фудбалер пристигна Тиму Бакајоко од Челси и ќе биде соиграч на Елиф Елмас, а Жерар Делофеу замина кај Илија Несторовски во Удинезе.
