Токму затоа тие се важен дел од веганската и вегетаријанската исхрана, но во своето мени во последно време ги сместуваат и сите оние кои сакаат поздраво да се хранат.

Во само една лажичка семе од коноп се наоѓаат околу 50-тина калории и околу 3 грама протеини. Покрај тоа содржат и голема количина прехранбени влакна кои ја подобруваат дигестијата, како и витамин А, калциум, магнезиум, калиум и фосфор.

Иако потекнуваат од билката канабис сатива, содржат помалку од 1 отсто психоактивна материја (THC). Индустрискиот коноп се одгледува поради производство на масло, семиња и брашно кои имаат позитивно делување на човековото здравје.

Семињата од коноп помагаат во:

– зајакнување на имунитетот

– намалување на воспалителните процеси во телото

– намалување на нивото на крвниот притисок

– намалување на ризикот од кардиоваскуларни болести

– подобрување на дигестијата

– подобрување на изгледот на кожата

– намалување на чешањето на кожата предизвикано од проблеми како егзема

Како да ги консумирате?

Семињата од коноп имаат лесен јаткаст вкус кој одлично се вклопува во солените и слатките јадења. Можете да ги додадете во било кое јадење – од овошни смутија и јогурт до овесни каши.

Можете да ги користите и наместо пармезан – слободно ставете ги во вашето омилено јадење со тестенини. Од семето можете да направите и здрав путер, како оној од кикирики, сончогледово семе или бадеми.