Дали наскоро ќе можеме да уживаме во природните убавини на Грција, како што секое лето поголемиот дел од нас го прават?
Пандемијата коронавирус не се смирува, а доколку земеме предвид колкава штета нанесе низ цела Европа, тогаш ќе се запрашаме дали ова лето ќе можеме да летуваме во Грција – омиленото летувалиште на многумина.
Иако е тешко да се дадат прецизни предвидувања за тоа колку ќе трае пандемијата, грчките експерти се огласија и ја разбудија надешта дека нашиот летен одмор сепак ќе може да го поминеме на едни најубавите плажи во Грција.
„Тешко е да се предвиди иднината, но Грција работи на тоа многу добро. Доколку значително опадне бројот на заболени и починати пацинети, ќе разговараме за ублажување на мерките“ – изјавил генетичарот Емануил Дермицакис, претседател на Националниот совет на Грција за истражување на технологии и иновации.
„Верувам дека од месец мај мерките ќе почнат да се намалуваат, според стратегијата, според приоритетите. Верувам дека луѓето веќе во месец јули ќе можат покомфорно да одат на плажа, а можеби и да патуваат на островите. Но, сето тоа само доколку работите бидат како што треба“ – додал Емануил.
Додека овој генетичар е голем оптимист, Јоргос Сурвинос, професор по клиничка вирусологија на Универзитетот во Крит, тврди дека сепак потребно е да се причека до крајот на април, за потоа да се ‘разговара за измените за мерките за ограничување и нивно постепено намалување’.
Според податоците од Министерството за здравство, во Грција до денес има 1.755 позитивни случаи на коронавирусот, од кои 79 починати.
