Европската ракометна федерација (ЕХФ) ги извлече групите за новата сезона во Лигата на шампионите, а во неа повторно наш претставник ќе биде Вардар 1961. По неколкугодишна пауза „црвено-црните“ се враќаат онаму каде што им е местото, во кремот на европскиот ракомет.
На извлекувањето во Виена двократниот европски првак од Скопје чекаше противници од последниот, четврти шешир. Вардар во групната фаза налета на: Нант, Мелсунген и Висла Плок.
- Групи за првата фаза во Лигата на шампионите:
Група А: Веспрем, Фуксе Берлин, Порто, Партизан
Група Б: Нант, Мелсунген, Висла Плок, Вардар
Група Ц: Алборг, ПСЖ, Загреб, Целје
Група Д: Спортинг, ПИК Сегед, ГОГ Гудме, Кристианштад
Група Е: Барселона, Монпелје, Динамо Букурешт, Архус
Група Ф: Магдебург, Киелце, Колстад, Криенс
Од оваа сезона во европската елита ќе се игра по нов формат, откако ЕХФ одлучи за проширување на Лигата на шампионите од 16 на 24 екипи.
Стартот на првата групна фаза е закажан за во септември, а распоредот се очекува да биде познат во наредните денови.
