На снимките се гледаат скршени прозори од автомобили, а некои граѓани тврдат дека парчиња железо паѓале на нив.
Норвешкиот “Boeing 787” претрпел дефект на моторот насред лет, што довело до тоа фрагменти да паѓаат од авионот и да кршат прозори од автомобили во римското предградие Фјумичино. Инцидентот се случил во саботата, непосредно по полетувањето од аеродромот Леонардо Да Винчи во престолнината на Италија.
“Слушнавме врисок, а тогаш нешто како звук на ветер, како удар на гром од ведро небо. Сфативме дека насекаде има парчиња железо. Парчињата ни ги оштетија автомобилите, тендите и многу други работи. Парчињата железо беа многу жешки”, објаснил жител на Фјумичино.
Norwegian 787 engine failure debris causes damage to cars shortly after takeoff from Roma-Fiumicino Airport. https://t.co/T5ezjpdUbF pic.twitter.com/qqhU7pN7NP
— Breaking Aviation News (@breakingavnews) August 10, 2019
Друг жител тврди дека парче од авионот паднало на него и го удрило од страна.
На снимките се гледаат фрагменти од авионот, дупки и пукнатини на прозорите од автомобилите кои биле направени од парчињата железо.
Инцидентот го истражуваат локалните власти, а од компанијата “Norvegian Air” се уште не се огласиле.
Повеќе фотографии можете да видите тука.
