На граничниот премин „Табановце” синоќа имаше акција на Министерството за внатрешни работи и на Основното јавно обвинителство за гонење на организиран криминал и корупција што беше причина за големиот застој на граничниот премин.
Од министерството за внатрешни работи најавија повеќе детали за денеска.
Во меѓувреме, додека траеше акцијата, колони возила беа заглавени на македонско-српската граница и по неколку часа, а граѓаните револтирани на социјалните мрежи објавуваа видеа и фотографии на кои се гледаа километарските колони на граничниот премин.
