Се одржа кралската крштевка, Кејт блескаше од среќа, принцезата Шарлот ги шармираше присутните, а Меган воодушеви со елегантниот изглед

777

Синоќа се одржа кралската крштевка на најмалиот член на кралското семејство, принцот Луи. Кејт го држела принцот во прегратка и блескала од среќа додека надбискупот од Кантербери ги поздравуваше.

Покрај неа беше присутен и нејзиниот сопруг принцот Вилијам, кој за рака ги држеше најстарото дете, принцот Џорџ и принцезата Шарлот.

Чекор зад нив биле и принцот Хари и војвотката Меган Маркл, која изгледаше елегантно во маслинесто зелен фустан на Ралф Лорен. На крштевката присуствувале и принцот Чарлс и војвоката од Корнвол, Мајкл и Керол Мидлтон, Џејмс и Пипа Метјуз и Џејмс Мидлтон.

За овој настан, принцот Луи беше облечен во бежов фустан кој исто така го носеле неговиот брат и сестра, а кој претставува копија на фустанот кој го носела најстарата ќерка на кралицата Викторија во 1841 година.

За разлика од кралската венчавка, кралската крштевка е помала и поинтимна церемонија, на која обично се присутни само членовите на семејството и кумовите.

Самата церемонија траеше околу 40 минути, а како што пренесуваат британските медиуми, малиот принц има 6 кумови.