Тесната трка за претседателското место во САД продолжува и во текот на денешниот ден. На Џозеф Бајден му недостигаат само шест електорски гласа за Белата куќа, но сѐ уште мора да се пребројат стотици илјади гласови во клучните американски сојузни држави.
Актуелниот претседател Доналд Трамп веќе неколку пати истакна дека смета дека броењето на поштенските гласови е проблематично и ги обвини демократите дека така сакаат да му ја украдат победата.
Неговиот адвокат Руди Џулијани вчера на собир на поддржувачи на Трамп во Филаделфија жестоко се нафрли на легитимитетот на дел од гласовите на американските избори.
„Мислите дека сме глупави? Мислите дека сме будали?“, викна тој.
"Do you think we're stupid? Do you think we're fools?" —Rudy Giuliani in Philadelphia, discussing the PA vote. #Election2020 pic.twitter.com/5FVZT9pyZ8
— The Recount (@therecount) November 4, 2020
