Општина Аеродром пред ТЦ Капитол Мол го промовираше проектот “Заедно до поголема сигурност” за превенција од имотни деликти и кражби во летниот период, кој се организира во соработка со полициската станица “Аеродром”, СВР Скопје и Капитол Мол. Целта на проектот е да се информираат граѓаните како да се заштитат од кражби, со што ќе се подобри безбедносната состојба на територијата на Општината и Град Скопје.
– Во рамките на проектот пред ТЦ Капитол Мол е поставен информативен пункт на кој полициски службеници ќе делат совети и ќе одговараат прашања од граѓаните. Оттука ќе се дели пропаганден материјал и препораки за спречување кражби во станови, куќи и возила. Преку едукацијата на граѓаните се подигнува свеста за преземање соодветни мерки за самозаштита од провални кражби. На овој начин се зголемуваат безбедносните мерки и безбедносната култура и се интензивира соработката меѓу граѓаните и полицијата – информираат од општина Аеродром.
