Претседателот Стево Пендаровски во интервју за ТВ24 порача граѓаните да не ги гласаат оние кои четири години не им се јавувале, а претходно барале од нив глас.
Претседателот вели дека треба да им се даде шанса на некои други.
„Што би им кажал јас на граѓаните? Тие што изминативе четири години не сте можеле да ги добиете на телефон, тие што на улица, особено во помали места, кога ќе сте ги виделе во живо и вртеле глава, а барале од вас глас. Дома ви тропале секој ден за да ги гласате – немојте да ги гласате. Дајте им шанса на некои други, немојте да го рециклирате лошото што било во изминативе четири години – просто“, посочи Пендаровски.
Тој додава дека добро е што на локалните избори ќе биде доминантна локалната агенда бидејќи, како што вели, „многу полесно се гледа што е направено во моето населено место“.
