Реал Мадрид тргна по Нејмар и тоа веќе е очигледно.
„Кралевите“, според пишувањата на шпанските медиуми, сериозно се заинтересирани да го доведат најскапиот фудбалер на светот, а и ПСЖ нема ништо против да се ослободи од него и да го продаде на Реал, наместо на Барселона.
Парижаните го нудеа Нејмар во голем број клубови ова лето. Барселона беше најзаинтересирана, но ПСЖ како да не сакаше да преговара со Каталонците и ги одбиваше понудите.
Затоа вчера Реал наводно понудил 120 милиони евра и Лука Модриќ, а дека трансферот може да се оствари говори и угледната „Марка“ која има посебни врски со Реал.
Тие на својата денешна насловна страница навестија дека се подготвува бум во Мадрид, а насловот доволно говори:
„Нејмар е на хоризонтот“.
