Напаѓачот на Ливерпул, Садио Мане иронично му одговори на Пеп Гвардиола откако менаџерот на Манчестер Сити неодамна го нарече симулатор затоа што знае лесно да падне во противнички шеснаесетник.
Такво нешто направи и со Астон Вила, но доби само жолт картон. Клоп потоа застана во одбрана на својот фудбалер, а сега и самиот Мане му одговори на шпанскиот стручњак.
„Ако со такво дејствие добијам пенал, сигурно пак ќе симулирам. Зошто не?“, изјави Мане.
Војната на зборови доаѓа на неколку дена пред големото дерби на англискиот фудбал меѓу Ливерпул и Манчестер Сити, в недела на Енфилд.
