На денешен ден пред 13 години, пејачот Тоше Проески трагично го загуби животот во сообраќајна несреќа кај Нова Градишка, на пат кон Загреб, на 26-годишна возраст.
Фановите на Тоше и неговите пријатели денеска на социјалните мрежи споделуваат негови песни во знак на сеќавање на музичката легенда.
Актерката Весна Петрушевска преку емотивен статус ја сподели болката која се уште ја чувствува и по 13 години:
„Како вчера да си правевме муабет пред снимање, па излеговме да ми го покажеш туарегот…се смеевме како подзакривуваш со ногата и како си ја повредил… колку беше убав, колку беше убав таа вечер… изморен, смирен, насмеан… ми кажа уште нешто таа вечер…🖤🖤🖤 те сакам, недостасуваш… врне и сега … како и оној понеделник …“, напиша Петрушевска на својот Инстаграм профил.
„Ко си бевме млади и убаj. Ти остана и млад и убав… Вечна ти слава Тошка!“, напиша Игор Дурловски на Твитер.
Ко си бевме млади и убаj.
Ти остана и млад и убав…
Вечна ти слава Тошка! pic.twitter.com/10WWrzRFZj— Igor Durlovski (@IDurlovski) October 16, 2020
Еден ден пред 13-годишнината од смртта на нашиот Тоше, хрватскиот пејач Тони Цетински сподели дека никогаш нема да го преболи заминувањето на неговиот пријател, соработник и колега.
„13 долги години. Утре некаде во ова време нѐ напушти физички, но само физички брате мој. Не ми се верува колку многу ми недостасуваш денес и колку сѐ уште ни е тешко што си замина прерано. Животот навистина не е фер“, стои во објавата на Инстаграм профилот на Цетински.
На човекот со огромно срце и музичарот со невиден талент се потсетија и многу други познати личности како Игор Џамбазов, Андријана Јаневска, Тамара Тодевска, Антониа Гиговска, Дац и Александар, Тијана Дапчевиќ, Калиопи, Каролина Гочева…
