Министерството за надворешни работи на Украина ги советува украинските граѓани „да се воздржат од посета на Руската Федерација“ од која било причина.
„Оние кои моментално се во земјата, треба веднаш да ја напуштат нејзината територија“, се наведува во соопштението објавено во средата, пренесува „RT“.
Во соопштението стои и дека оние кои не ги следеле упатствата ризикуваат „значително поголеми тешкотии“ како би биле заштитени од страна на Киев.
Министерството претходно предложи Украина да ги прекине сите дипломатски односи со Русија како одговор на нејзиното признавање на двата отцепени региони на истокот од земјата како суверени држави.
Русија во вторникот нареди евакуација на својот дипломатски персонал од Украина, повикувајќи се на закани од руската амбасада.
Многу други држави ги преместија своите дипломати во западна Украина, наведувајќи го ризикот од воена ескалација меѓу Русија и Украина.
Минатиот викенд, САД ги советуваа своите граѓани во Русија да се подготват за можна евакуација, тврдејќи дека ризикуваат да станат жртви на неодредени „напади“ таму. Нивната амбасада како причина за предупредувањето наведе „извори на медиумите“, но не е јасно кои.
