Австрија не може да биде задоволна од резултатите кои ги запиша пред почетокот на Европското првенство.
Избраниците на Франко Фода загубија од Англија, а потоа ремизираа без голови против Словачка. Сепак, австрискиот селектор знае што треба да направи неговиот тим, за да избегне нов кикс против Македонија на стартот од Европското првенство.
„Мораме да ги минимизираме грешките, да развиваме брзи транзиции и максимално да искористиме што повеќе шанси против компактен тим како Македонија.
Самодовербата е меѓу нас, таа ќе се зголемува од ден на ден. Немам сомнеж дека ќе бидеме подготвени да одговориме на сите предизвици на стартот на Европското првенство“, вели Фода.
Австриската репрезентација нè победи на претходните две соочувања. Во Виена со 2-1, а уште поубедливо во Скопје, со 1-4.
Натпреварот меѓу Македонија и Австрија е закажан на 13 јуни во 18:00 часот.
