Екипата на Вардар вчера натпреварот против Војводина во СЕХА лигата го одиграво доста променет состав.
На самиот почеток на тој натпревар се повреди Даинис Криштопанс кој го свитка зглобот на ногата, па во Вардар стравуваа дека станува збор за посериозна повреда.
Сепак деталните прегледи покажале дека повредата не е од сериозен карактер и дека Криштопанс ќе мора да паузира само неколку дена пред повторно да се врати на располагање на тимот.
Се прават напори летонскиот џин да биде подготвен за дуелот од Лигата на шампионите кој Вардар во Скопје ќе го одигра против Кјелце во сабота.