Судењето на годината сè понеизвесно: Објавено видео од Амбер Херд и актерот со кој наводно го изневерила Џони Деп

Тимот на Џони Деп тврди дека Амбер и Џејмс имале афера.

„Ги сменивте бравите во пентхаусот на 22 мај 2016 година?“, прашала адвокатката на Деп, Камила Васкес.

„Се обидов“, одговорила Херд.

„Навечер сте го повикале Џејмс Франко на вечера?“, прашала адвокатката.

Актерката одговорила дека не се сеќава кога точно Франко ја посетил и додала дека биле во исклучително пријателски однос.

Васкез потоа го покажала видеото од надзорните камери на кое се гледа дека двајцата биле заедно во лифтот, а Франко во еден момент ја потпира својата глава на нејзиното рамо.

„Џони го мразеше Џејмс. Ме обвинуваше дека сум го изневерувала со него откако заедно го снимивме филмот ‘Pineapple Express’“, вели Херд.

Да ве потсетиме, Франко и Илон Маск се наведени на нејзината листа на сведоци, но сепак не се очекува да сведочат.