Претседателот на Србија, Александар Вучиќ, присуствуваше на аеродромот во Батајница на свечениот прием на двата ремонтирани авиони „миг-29“ кои Србија ги набави од Русија. Во таа прилика, Вучиќ рекол дека речиси заплакал кога ги видел авионите, пренесува „Танјуг“.
„Првпат видовме силни крилја на Србија, првите два, примени денес во оперативна употреба, кои ги добивме од Русија. На уште шест работат српски и руски експерти и првпат на парада ќе излеземе со осум авиони „миг-29“, а имаме и три „миг-21“, рекол српскиот претседател.
„Јас речиси заплакав кога ги видов и слушнав, не знам вие како се чувствувате?“, рекол тој и додал дека негова желба е „миговите“ да ги носат имињата на српските јунаци кои, како што рече, ја бранеле земјата од НАТО.
