Ноа Калина неодамна објавил пресек по 20 години фотографирање, но овој фото-проект продолжува.
Фотографијата кажува повеќе од 1.000 зборови, е стара поговорка која еден човек одлучил да ја примени во неговиот живот.
Имено, Ноа последните 20 години секој ден правел селфи, а бидејќи почнал со фотографирање на 11-ти јануари 2000 година, одлучил пред неколку дена, односно на 11-ти јануари оваа година да направи пресек.
Објавил снимка која претставува колаж од сите селфија од 2000-та година до денес.
Актуелниот колаж кој ги документирал промените низ кои минувал Ноа содржи 7.263 фотографии, а проектот и натаму трае.
Ако се суди по посветеноста на Калина, можеме да очекуваме нов пресек во наредните години.
