Во рамките на Виенската конвенција за патен сообраќај одржана во 1968 година во главниот град на Австрија, се поставени “правилата” за меѓународно и меѓусебно (билатерално) признавање на возачките дозволи.
Досега, Македонија има потпишано билатерални договри за целосно признавање на возачките дозволи со осум земји, и парцијално со десет земји.
Во моментов течат преговорите за признавање со Данска и Велика Британија (Англија, Шкотска, Велс и Северна Ирска). Се работи на признавање и со арапските земји Катар и Обединети Арапски Емирати, а исто така се вода преговори и со канадската провинција Онтарио.
Инаку, реципрочно признавање и замена на возачките дозволи, македонското МВР има потпишано со Албанија, Босна и Херцеговина, Германија, Италија, Косово, Србија, Црна Гора и Шпанија.
