Екипата на Ривер Плате по четврти пат во историјата ја освои титулата во Копа Либертадорес, јужноамериканска Лига на шампиони.
Во најдраматичното и најконтроверзно финале во историјата, Ривер го победи градскиот ривал Бока Јуниос со вкупни 5-3, а резултатот на денешниот реванш беше 3-1.
Бока имаше предност по првото полувреме со 2-0 со голот на Бенедето, но во продолжение дојде до целосен пресврт. Прво Прато израмни и го одведе натпреварот во продолжение, а во дополнителните 30 минути Ривер постигна уште два гола.
Одлучувачки беше евроголот на Квинтеро во 109. минута со кој беше скршен отпорот на Бока, а во последните моменти, кога сите фудбалери на оваа екипа тргнаа во напад, Мартинес го постави конечниот резултат.
Во продолжението на Бока и се случија неколку малери, Прво Бариос во 92. минута доби црвен картон, а нешто подоцна Гаго се повреди во ситуација кога неговиот тим немаше право на замена.
Со ова е завршена сагата која траеше повеќе од еден месец. Првиот меч на кој домаќин беше Бока заврши без победник (2-2), а овој реванш, кој се одигра во Мадрид, беше неколку пати одложуван бидејќи навивачите на Ривер ги нападнаа противничките фудбалери пред својот стадион.
