Англиските медиуми со децении сметаа дека најубавиот гол на сите времиња не е дело на Меси, Марадона или Пеле, туку на Бране Облак. И не се работи за шега, туку навистина за вонсериски погодок.
Во пријателски натпревар во Белград пред 80.000 гледачи, на денешен ден во 1974 година Југославија и Англија одиграа 2-2, а вториот гол за домашната репрезентација беше вистинско ремек дело. Фудбалерот на Хајдук погоди од место со феноменален удар со левата нога од скоро триесетина метри и го совлада Реј Клеменс кој во тоа време беше еден од најдобрите светски голмани. Реакцијата на Облак по голот ја покажува неговата неверица од „ракетата“ која ја упати кон англискиот гол.
- Феноменалниот гол на Облак против Англија:
Англиските новинари го одбележаа голот на денешен ден пред 46 години, а помладите кои немале можност да го видат погодокот во тоа време, сега уште повеќе се одушевуваат.
