Репрезентативниот голман на Македонија, Столе Димитриевски заработи црвен картон во шпанската Сегунда. Рајо Ваљекано загуби на гости кај Леганес со 1-0, а меѓу стативите дебитира Лука Зидан, синот на легендата и тренер на Реал Мадрид.
Димитриевски го доби првиот жолт картон во 63. минута поради приговор, а неколку секунди подоцна беше и исклучен. Засега не е познато што голманот му кажа на судијата Прието, ама во моментите кога се спремаше да изведе гол-аут сè уште зборуваше и заработи втор жолт картон.
- Ситуацијата со исклучувањето:
Dimitrievski bizarrely gets sent off for Rayo pic.twitter.com/AFsduEQVlm
— King Trejo ??? (@CFCTrejo) December 2, 2020
Леганес од четвртата минута водеше со 1-0, а во 63. минута, Столе Димитриевски доби бизарен црвен картон. Најпрво судијата му покажа жолт, а веднаш потоа и директен црвен поради некој дополнителен збор кој голманот не требаше да го каже.
На местото од Димитриевски во игра влезе синот на Зинедин Зидан, Лука Зидан.
