Најмалку четворица војници загинаа, а еден е повреден кога турски воен хеликоптер се урна во населено место во Истанбул, јавуваат турските медиуми.
Според првичните информации, хеликоптерот паднал меѓу две висококатници во населбата Санџактепе и се распаднал на два дела. Зградите не се оштетени, пренесуваат локалните медиуми.
Некои турски медиуми пренесуваат дека во инцидентот има повеќе повредени.
?A #Turkish military chopper has crashed into a busy residental area in #Istanbul. Casualties among soldiers.
via @haskologlu pic.twitter.com/L2mm5pBPS2
— tahtakuşlar (@taylieli) November 26, 2018
Гувернерот на Истанбул, Али Јерликаја, рекол дека се работи за тренинг-лет и дека не се познати причините за падот на хеликоптерот.
Сите надлежни екипи се на терен и во тек е истрага за причините за несреќата.
