Марко Миљковиќ Маре, кој важи за десна рака на Вељко Беливук, наречен Веља Невоља, наводно бил касапот на кланот и творец на монструозните идеи за распарчување трупови, палење и потопување во киселина!
Извор близок на истрагата открива дека Маре ги малтретирал жртвите без трошка хуманост и им ги вадел очите, им ги отсекувал ушите, носот, главата и затоа го добил прекарот касап. Вељко Беливук ги одобрувал сите негови злосторства и свесно учествуваше во нив.
Како што дознава од истрагата, Миљковиќ, за разлика од Беливук, пораснал со неговите родители во Белград, кои се успешни и работат во јавни претпријатија и на добри позиции. Финансиски се добро ситуирани и како што велат добро информираните извори, Миљковиќ израснал во релативно стабилно семејство.
Неговиот татко е повеќекратен шампион во гаѓање на подвижни мети и тој има освоено многу натпревари. Тој е страствен љубител на оружје, па дури и тренираше и обучуваше други заљубеници во овој спорт, пишува српски Курир и продолжува:
Слушнавме дека едно време тој дури вежбал стрелање во стрелиштето на стадионот на Партизан, а исто така бил на бојното поле во Вуковар.
Изворот вели дека неговиот татко му ја пренел љубовта кон оружјето на синот Миљковиќ, како и дека го научил да пука уште од мали нозе и го однел на тренинзите на стадионот.
Добривоје Радовановиќ, клинички психолог и криминолог, вели дека, иако Миљковиќ израснал во нормално семејство, тој има карактеристики на агресивен психопат, исто како и Вељко Беливук.
Љубовта кон оружјето кај децата не е природна и не е дел од структурата на личноста. Се создава подоцна и се развива поради околината во која живее детето. Многу е важно овие деца да се насочат кон спортот, бидејќи ако тие се натпреваруваат и постигнат резултати, таа љубов ќе остане таква. Доколку не се натпреваруваат, оружјето создава чувство на моќ и сила и навика работите да се случуваат и да се решаваат со сила, објаснува Радовановиќ.
Тој додава дека сето ова, во комбинација со негативните одлики на личноста, доведува до тоа лицето да стане целосен психопат.
