Додека Слобода Миќаловиќ на сцената на Народниот театар во Ужице глумела дека умира и додека актерите околу неа навистина изгледале загрижено, на сцената се качила лекарка од публиката за да ѝ укаже лекарка помош, пренесуваат српските медиуми.
Имено, на претставата на втората натпреварувачка вечер на „Југословенскиот театарски фестивал“, додека полната сала без здив ја следела претставата „Лоренџачо“ и гледала како во една од сцените актерката Слобода Миќаловиќ мавта со рацете како да не ѝ е добро, паѓа и се фаќа за актерот Бранислав Лечиќ, настанал вистински хаос. Во тој миг публиката се загрижила и некои од присутните станале на нозе и почнале да викаат: „Нејзе навистина не ѝ е добро! Помогнете ѝ!“, пренесува српски „Курир“.
Веднаш потоа на сцената се качила д-р Мира Гавриќ, началник на Одделот за неврологија во болницата во Ужице, која сакала да ѝ помогне на Слобода, додека, пак, д-р Богдан Дамјановиќ од задните редови истрчал до средина на салата.
Тогаш еден од глумците ја прегрнал докторката и ѝ покажал како го чита текстот од својот мобилен телефон. Дури тогаш загрижените доктори и присутните во публиката сфатиле дека сето тоа е дел од претствата.
Фото: Петар Ѓорѓевиќ
Извор: Hello.rs
