После продолжениот викенд поминат во Дубровник, Кристијано Роналдо и Џорџина Родригез го напуштија хрватскиот пристанишен град. Во Хрватска пристигнале во неделата, а престојувале во најелитната вила во Дубровник.
Вечерале во познати луксузни ресторани, а секаде каде што се појавиле привлекле големо внимание. Дури и нивното напуштање на вилата предизвика големо внимание, а на снимката која ја сними еден корисник на Инстаграм се гледа како Роналдо срдечно се поздравува со персоналот на вилата, додека Џорџина побрзала да влезе во автомобилот.
Џорџина и Роналдо пристигнале во Дубровник со приватен авион, кој според хрватските медиуми чинел 32 милиони евра.
Авионот не е во сопственост на Роналдо, туку го изнајмил по цена од 6.000 евра за еден час.
Тие престојувале во луксузна вила во Дубровник во која претходно престојувале личности како Џејми Фокс, Елизабет Тејлор, Ричард Бартон и Софија Лорен. Тоа елитно сместување чини околу 7.000 евра од ден.
