Легендарниот моден дизајнер Џорџо Армани станал сопственик на цел спрат во историската зграда на Менхетен со поглед кон њујоршкиот Централ Парк.
Според пишувањата на “Wall Street Journal”, 85-годишната модна икона поседува приближно 300 квадратни метри простор во кој се наоѓаат четири спални соби и четири купатила. Цената на пентхаусот изнесува 17,5 милиони долари, а претходниот сопственик бил Џон Легере, извршниот директор на Т-Мобиле.
Апартманот кој датира од 1929 година бил на продажба од февруари 2018 година, а истиот е дизајниран од страна на познатата архитектонска компанија “Schwarts and Gross” и редизајниран од студиото “SheltonMindel”. Резултатот на модернизацијата е неоренесансниот стил со елементи на бозар.
Високите плафони и мозаиците на прозорците му даваат на просторот црковен изглед, а за тоа дополнително придонесуваат и античките лустери и вградените полици.
Помеѓу бројните погодности на станот се и вратар, фитнес центар, играчница за деца и складиште, а посеен аспект од приказната има историјата на овој простор.
Поединечни извештаи говорат дека апартманот своевремено бил во сопственост на магнатот Вилијам Рандолф Хертс и неговата сопруга Марион Дејвис. Архитектот на Легере, Ли Миндел, наводно ги пронашол нејзините иницијали врежани во каминот, како и портрет од жена која наликува на неа.
