Поранешниот директор на Центарот за јавно здравје-Скопје, Арбен Зибери, денеска во тешка состојба бил пренесен на Клиниката за инфективни болести, пренесуваат дел од медиумите. Тој е позитивен на корона вирусот, а резултатот го доби токму на 30.август кога пратениците во Собранието гласаа за изборот на новата Влада.
Поради неговата состојба, Зибери за да гласа во посебни услови беше донесен во Собранието, каде својот глас го даде од изолирана просторија, а веста дека е позитивен на Ковид-19 уште вечерта ја потврди претседателот на Собранието, Талат Џафери, откако го стави на гласање предлогот за новата Влада.
