Снимка на терористите кои што направија масакр во Најроби убивајќи најмалку 20 лица направена неколку моменти пред да започне пукањето, се појави на интернет.
Надзорните камери снимија четворица напаѓачи кои со пушки во раце тргнаа кон хотелскиот комплекс во главниот град на Кенија. Напаѓачите користеа два влеза во зградата, а пред тоа двајца од нив започнаа да пукаат кон непозната мета.
Според податоците на полицијата, координираниот напад на хотелот започнал со експлозија на паркингот пред банката и бомбаш самоубиец во предворјето на хотелот. Се претпоставува дека најголемиот дел од убиените биле на ручек во ресторанот во моментите кога се случи нападот.
Ал Шабаб, исламистичка милитантна група со седиште во Сомалија, која што ја поддржува Ал Каида, ја превзеде одговорноста за нападот на хотелскиот комплекс во главниот град на Кенија.
