Модната куќа Викорија Сикрет го претставила својот нов „Fantasy bra“ градник, со кој ќе ја отворат нивната овогодинешна модна ревија.
Честа да го носи, оваа година ѝ припаднала на Швеѓанката Елза Хоск, тоа е манекенката која веќе има 7-годишен стаж како ангел на Викторија Сикрет.
Градникот е дизајниран од Сваровски и на него има 21 илјади дијаманти, а неговата вредност е проценета за милион долари.
Изработката на овој градник траела 930 часа, а манекенката на ревијата покрај него, ќе носи и кристален ѓердан и нараквица, која за Сваровски ја дизајнирал Кристофер Кане.
„Ова е Fantasy bra?! О, Боже!“, била првата реакција на Елза, за скапиот градник, пренесува „Harper’s Bazaar“. „Ова е најубавиот градник кој сум го видела во својата кариера, а одлично се вклопува и со мојот личен стил. Ме враќа во 90-тите години и цел е направен од дијаманти – што за мене е совршено“, искоментирала воодушевената манекенка, а потоа на својот Инстаграам профил покажала и како ѝ прилега.
Минатогодишниот „Fantasy bra“ бил уште поскап од овој и тоа двојно, бидејќи бил направен со злато и бил накитен со 6 илјади скапоцени камења, вклучувајќи дијаманти, жолти сафири и сини топази. Го носела манекенката Леис Рибеиро, а во продолжение погледнете како изгледал.
