Откако Хулен Лопетеги од коло во коло редеше се повеќе негативни рекорди во клупската историја, привремениот тренер на клубот, Сантијаго Солари веќе постави рекорд за најдобар старт во историјата на клубот.
Аргентинецот е најдобриот тренер во 116 годишната историја на клубот со четири победи, 15 постигнати голови и само два примени. Со овој скор, Солари го надмина Пелегрини кој досега го имаше најдобриот старт во клубот со исто толку победи но нешто послаба гол разлика.
Иако има одличен старт во „Кралскиот клуб“ се уште не е познато дали Солари ќе остане тренер на Реал Мадрид до крајот на сезоната или од клубот ќе побараат друго решение.
