Милан од вечерва има нов херој, станува збор за новото засилување на „Росонерите“, полскиот фудбалер Кжиштоф Пјатек.
Полјакот на вечерашната средба против Наполи постигна брзи два гола во првиот дел, со што го елиминира Наполи во четвртфиналето и го испрати Милан во полуфиналето од Купот на Италија.
По натпреварот, Пјатек уште повеќе им даде еуфорија на „Росонерите“ со неговата изјава.
„Убав натпревар и победа. Очекував ноќ како оваа, реков дека сум подготвен. Веќе размислувам за Рома и се надевам ќе бидеме уште посилни заедно со моите соиграчи на следниот меч. Ова е само почеток“, порача Пјатек.
Пјатек во Милан пристигна од екипата на Џенова пред неколку дена, за него беа платени 36 милиони евра обештетување.
