Од Австралија пристигнува видео кое ќе ве разнежни – ја прикажува средбата на повредена и исцрпена коала и човек кој веднаш понуди помош.
Ширум Австралија веќе неколку седмици по ред беснеат катастрофални пожари, а во сојузните држави Квинсленд и Нов Јужен Велс е прогласена вондредна состојба.
Пожарите уништија стотици илјади хектари шума, а уништени се и природни резервати каде што живеат огромен број на коали. Според проценките на австралиските власти, во пожарите загинале над 350 коали.
Една од преживеаните коали имаше среќа што ја пронајде овој Австралиец кој успеа да ја спаси, а беше снимен и моментот кога ѝ понуди вода.
Како што пренесуваат тамошните медиуми, коалата имала изгореници на шепите и лицето, а потоа од човекот била пренесена и во центарот за спасување на овие животни. Како изгледаше нејзиното враќање во живот можете да погледнете на видеото подолу.
