Министерот за надворешни работи Бујар Османи вечерва е гостин во „Клик Плус“ на ТВ21. Со шефот на дипломатијата дебатираме на различни теми, а една од нив неизбежна е ситуацијата со Бугарија, земја во која вчера имаше парламентарни избори.
А, тие покажаа дека за екс министерот за одбрана Красимир Карачанов и неговата партија ВМРО, нема место во новиот парламентарен состав.
Еве како го коментираше сето ова Османи во „КликПлус“.
„Не дозволивме да влеземе во приказните на господинот Каракачанов. Пораката од изборите е многу важна, во смисла дека спречувањето на ЕУ перспективата на Северна Македонија, не е тоа што бугарските граѓани го посакуваат. Тоа значи бугарските граѓани не поддржуваат таква политика, и тоа е најсилната порака од изборите. Дека народот не е против европската перспектива, народот бара соработка меѓу двете земји, и се надевам дека тоа ќе се преточи во политички ставови на партиите кои добија глас од бугарските граѓани“, рече Османи.
