Сите витамини имаат своја улога во функционирањето на организмот и за ниту еден витамин или минерал не може да се каже дека е небитен.
Како последица од пандемијата на коронавирусот, сите многу научивме за витамините и нивната улога во зачувување на здравјето, а како главни витамини се споменуваат витамините Ц, Е и Д.
Меѓутоа, има уште многу моќни витамини за кои не се зборува и кои се неправедно занемарени, а поволно делуваат на целиот организам. Таков е и витаминот Б7, кој уште се нарекува и биотин, а кој има важна улога во создавање енергија која им е потребна на клетките. Исто така, Б7 е важен и за одржување на нормалното ниво на шеќер во крвта.
Одговорен е и за претворање на храната која ја јадеме во енергија, а со самото тоа и за нормално функционирање на метаболизмот. Ја подобрува нервната сигнализација, мемориската функција и генералното здравје на мозокот. Докажано е дека може да помогне во регулирање на холестеролот.
Освен тоа, биотинот е многу важен за убавиот изглед на косата, кожата и ноктите.
Симптомите кои можат да се јават како последица на недостиг од овој витамин се промени на кожата, сув и масен кожен осип, опаѓање на косата, повраќање, мачнина, губење апетит, замор, исцрпеност…
Доколку забележувате вакви симптоми, секако би требало да одите на лекар и да го проверите нивото на овој витамин.
Витаминот Б7 се наоѓа во многу намирници, па пожелно е тие редовно да се наоѓаат на вашето мени. Еве за која храна станува збор:
– пилешко месо
– леб
– риба
– жолчка
– печурки
– морков
– леќа
– карфиол
– чоколадо
– банана
Она што требате да го имате на ум, особено доколку имате дефицит од овој витамин, е дека кафето, алкохолот и антибиотиците ја намалуваат неговата апсорбција.
