Овие денови Охрид и Охридското езеро се многу популарни поради забраната за капење, а УНЕСКО се закани дека на македонскиот бисер ќе му го одземе статусот на културно наследство.
Во меѓувреме, од нуркачкиот центар “Акватек”, при редовна експедиција на Охридското езеро, налетале на дното на када и други елементи од тоалет.
„Некој си го реновирал клозетот. Секоја чест, Браво…“, гласи нивниот коментар на фотографиите кои ги објавија на нивната официјална Фејсбук страница.
Од Центарот велат дека кадата се наоѓа помеѓу „Сараиште“ и „Мостот на Желбите“, на длабочина од 5 метри.
