Нејмар во првиот дел од оваа сезона, во дресот на францускиот ПСЖ одигра 19 натпревари, заби 16 голови и запиша осум асистенции. 26-годишниот Бразилец сега ужива на заслужен одмор, а притоа успеа да покрене гласини за новата љубов.
Нејмар е сингл откако прекина со својата долгогодишна љубов во ноември оваа година. Бразилецот и неговата сонародничка, 23-годишната манекенка и актерка Бруна Маркезин, беа заедно речиси шест години со неколку прекини.
Медумите нагаѓале дека причината за раскинувањето било неверството на фудбалерот, но тој само ги негирал овие обвиненија. Гласините зборуваат и дека парот раскинал поради политички несогласувања, но Бруна го негирала тоа.
Од ноември тие повеќе не се заедно, а сега медиумите се уверени дека бразилскиот напаѓач има нова љубов – станува збор за бразилската манекенка Мари Таварез. Нејмар објавил и фотографија со 20-годишната Мари и со тоа дополнително ги проширил гласините дека се заедно.
Младата манекенка е активна и на Инстаграм на кој ја следат 179 илјади фанови кои ги обожуваат нејзините разголени фотографии на кои таа го открива своето тело и бројните тетоважи.
