Навивачите на Јунајтед во транс: Кантона се враќа во клубот!

Легендарниот фудбалер на Манчестер Јунајтед, Ерик Кантона по повеќе од две децении ќе се врати во клубот, тврдат англиските медиуми.

Според нив, идејата е на Оле Гунар Солскјер, а Французинот би требало да работи како амбасадор на Јунајтед, заедно со Брајан Робсон и Денис Ирвин. Кантона е еден од омилените фудбалери на навивачите на Јунајтед иако дресот на овој тим го носеше само пет години.

Во нив освои четири титули во Премиер лигата и потоа одлучи да ја заврши кариерата. Постигна 82 гола за Јунајтед и потоа беше прогласен за најголемо засилување во ерата на Алекс Фергусон.