Овој модел можевме да го видиме на модните писти, во уличната мода, но и на насловните страници на модните списанија.

Но, веруваме дека актерката го украла шоуто со фотографијата објавена на нејзиниот Инстаграм профил. Моника на 58-годишна возраст нема на што да ѝ позавидува на нејзината ќерка, супермоделот Деви Касел. Напротив, таа не престанува да изненадува со нејзините сензуални и елегантни изданија, како овојпат во црно од глава до пети со потписот на Макс Мара.

Многу женствено, неприкосновено во креирањето на елегантен и во исто време блескав изглед, тесното здолниште со миди должина веќе неколку сезони доживува ренесанса. Напуштајќи ја строгоста што отсекогаш ја красела, денес таа е олицетворение на слободата и сензуалноста, на која било возраст. Моделот што го избра Моника Белучи е школски, со акцент на високиот струк и одличниот материјал. Секси, модерно и шик во целосно црно издание, актерката е доказ дека со задоволство ќе го носиме ова парче облека во периодот што следи.

Како да го копирате ова издание?

Ова миди здолниште не познава години, совршено е од утро до вечер, а ефектот варира од останатата комбинација. Асиметричен топ, елегантно палто, мокасини со потпетици или романтична блуза, се е дозволено доколку го следите вашиот стил. Оваа пролет можни се и топови, но и кошули кои го откриваат стомакот, како што налага сезонскиот тренд. Во тој случај, изгледот добива доза на лежерност.