Митревски најдобра одбрана, Стоилов за малку најубав гол! (ВИДЕО)

88

Четвртото коло во Лигата на шампионите донесе победа за Вардар, но и извонредни настапи на неколку македонски репрезентативци, во преден план Никола Митревски и и Стојанче Стоилов.

Голманот на македонската репрезентација беше клучна фигура во победата на Порто над Пик Сегед, со 15 интервенции, а една од нив беше очекувано прогласена за најдобра ова коло. Митревски направи фудбалска парада, а топката ја одбрани со глава.

Стоилов за малку ќе му парираше во целост, но го освои второто место меѓу најубавите голови. Неговата шрауба, во второто полувреме од мечот против Фленсбург (31-26) не ги убеди уредниците на ЕХФ-магазинот дека е подобра само од голот на Лик Абало, од Елверум.