Милан е во потрага по нов напаѓач.
Откако Маркус Турам реши да го засили градскиот ривал, Интер, “росонерите” своето внимание го насочија кон друга насока. Поранешниот играч на Сасуоло а сега на англиски Вест Хем, италијанскиот репрезентативец Џанлука Скамака е нов “таргет” на челниците на тимот.
Ланското лето, Скамака пристигна во лондонскиот тим за 42 милиони евра. Според многумина, не ги оправда очекувањата. Рома исто така е заинтересирана за репрезентативецот но, експертите даваат поголема шанса тој да пристигне на “Сан Сиро” доколку се има во предвид дека и во ланскиот преоден рок беше поврзуван со поранешниот шампион.
При евентуален ангажман на Скамака, во спротивен правец би заминал белгиецот Дивок Ориги кој како слободен играч лани пристигна од Ливерпул и не ги оправда очекувањата.
Се очекува одговор од управата на “чеканите”.
Димитар Младеновски
